Baba special don dey press Ed Woodward make him shaprly do fast land Manchester United third signing and make e no tey.
United no waste time land Vic O from Benfica, as dem sign Romelu Lukaku from Everton before United first pre-season fixture against LA Galaxy.
But United don dey frustrated as dem dey find their third signing as Inter no dey even look uche face as dem still dey yarn say na £48million dem want for Ivan Perisic, while Tottenham no even wan hear anything say person wan buy Eric Dier.
“When I look the team and Lukaku and Lindelof, I go like make my squad dey here. Abeg make we get just one more player, I nor even dey ask for two-if we get one player sharp sharp,” na wetin Baba Special yarn after Man United nack Manchester City for Houston, Texas.
Baba special don send message to Ed Woodward ontop Man Utd third transfer
“Because we dey see say Lindelof dey the team, Lukaku dey the team, the understanding between the player, the Pogba pass, the way Lukaku dey hold ball.