Now wey another Pre-season match go happen tonight against the the UEFA Champions League winners Real Madrid, Jose Mourinho’s men go dey hope say dem go continue their fine form, as dem don already knack LA Galaxy, Real Salt Lake and Manchester City. The International Champions Cup match go happen for California and the official Kick-off time na 10pm.
How you go fit follow the match? We go run live commentary ontop our official twitter handle @ManUtdinPidgin.
Team News dey? Mourinho con confirm say e go play four at the back against Real Madrid and e reveal say e go use Victor Lindelof. E bin wan name the person wey go partner am but e con lock up. Jose don confam say players like Tim Fosu-Mensah, Marouane Fellaini, Michael Carrick, Andreas Pereira and Anthony Martial go play more minutes against Real.
Who we dey face? The team wey we dey face na Real Madrid. Their last season make brain onto say dem carry La Liga and Champions League title. The match wey go happen tonight go be their first pre-season match. Some of their players wey fit feature today na Toni Kroos and Gareth Bale… As for Cristiano Ronaldo, e dey flex for China so e no go play tonight.
This match na Pre-season of UEFA Super Cup? Ehen. The Super Cup go happen for Macedonia on August 8.