Manchester United manager Jose Mourinho don use style tell Gareth Bale the reason why e no fit buy am from Real Madrid. Everybody know say if Bale wan wakka commot from Los Blancos, say space go dey for am at Old Trafford as Baba Special dey rebuild hin team.
Some amebo journalists wey bin dey for Levi Stadium in Santa Clara, bin see as Mourinho hug Bale before the Real Madrid vs Manchester United match start. Dem observe as Baba Special take whisper something into hin ears.
“I no go buy you, because you no dey follow me talk,” na wetin Jose yarn to Gareth Bale.
Gareth Bale on the other hand, before now, don already yarn say e dey happy for Spain. E also talk say nothing fit make to leave from Los Blancos to Old Trafford.
The Wales international fit turn Legend for Manchester United if only e fit receive small sense and relocate back to England but hin sturbornness no go gree am. E just dey waste hin talent for Madrid and the worst part be say Real Madrid fake fans no appreciate am.
Several rumours dey link the Spanish Giants to Monaco international Kylian Mbappe. Who know, if Madrid fit catch this boy, maybe dem go allow make Bale commot.