Any Manchester United fan wey dey believe say the Reds go sign Monaco’s Fabinho instead of Nemanja Matic or Eric Dier, gots forget am. If you no understand wetin i mean by forget, i dey try talk say make you fashi Fabinho.
The vice-president wey dey manage the French club, Vadim Vasilyev, don commot yarn ontop the fact say Monaco don sell Bernardo Silva, Benjamin Mendy and Tiemoue Bakayoko this summer.
E don yarn say Fabinho or Thoms Lemar no dey commot go anywhere, say e no fit happen.
Kylian Mbappe fit wakka enter Real Madrid, but Manchester City self dey chook eye for the matter.
“All the Key players wey we bin wan keep, we don keep them,” na wetin Vadim yarn.
“Fabinho na midfield player wey everybody wan buy. I go soon address una ontop the transfer matter wey consign Lemar. E dey stay with us. We don yarn una many times. These two players dey important to our club and we no go sell dem. In short, we no go sell anybody again”