Manchester United boss Jose Mourinho don praise Paul Pogba after e talk say the French Midfielder dey the same level with Lionel Messi and Neymar.
Paul Pogba bin return to the starting line up against Barcelona and the guy ball sote Baba Special talk say hin (Pogba) dey the same level with the irreplaceable players wey dey for Barcelona and Real Madrid.
“People like Neymar, Messi, na only one you fit see for this world, Dem no get photocopy,” na wetin Mourinho yarn after the game. “Luis Suarez, Andreas Iniesta, Pique, Ronaldo, Bale, Toni Kroos. Na only one dem be for this world, so dem no fit play for two clubs at the same time.”
“We no fit buy dem onto say dem belong to the clubs. But i wan tell una say Paul Pogba don show say e dey that level.”