For the past two weeks, Jesse Lingard na one of the best United players, sote hin manager and teammates don dey praise am.
And Luke Shaw na one of people wey dey impressed with Lingard’s performance in the USA Tour and e don declare am as the best player of the tour.
“If you take ur eyes see the kind mad speed and skill wey we get for front, E fit make opposing teams piss for body,” na wetin Shaw yarn for MUTV.
“Our attacking players don show say dem get many skills. Look at the goal wey Lukaku score against Man City na, e make brain.”
“E no dey easy to score that kind goal and Rashford self, bin blood don dey hot and e don score goals. Mkhitaryan self tear net and e dey ball. I wan hail Martial for the way e take send all Real Madrid defenders go message.”
“You no fit forget Jesse Lingard. For me, Jesse na the best player so far in the tour. E dey everywhere and e dey set up things, e don score self.”