Manchester United fans dey beg Baba special to sign Bayern Munich midfielder Renato Sanches for Tuesday after dem watch the Portugal international use Chelsea N’Golo Kante drag floor.
The 19 year old been dey linked to Old Trafford for 2016 but Bayern no waste time as dem kolobi am go Allianz Arena for £44million.
Baba Special don yarn after dem sign am say him for don move for Sanches if to say him don come earlier.
Bayern oga, Carlo Ancelotti don yarn this week say e dey ‘possible’ for Sanches to move to United (e fit be loan sef) and many United fans don dey reason the matter after him clash with Chelsea for Singapore.
And after dem watch as Sanches inspire Bayern to 3-0 lead over Chelsea, United fans dey beg Mourinho to sign the midfielder.
Na wetin fans dem dey yarn be this…