Five Things wey we observe as Manchester United knack Valerenga 3-0

Today na good day for Red Devils fans. Earlier today, we hear say Nemanja Matic don wakka commot from gutter wey dey smell (Chelsea), and e move enter Old Trafford to sign for Manchester United. Now the Reds don knack Norwegian side Valerenga 3-0, after Fellaini, Lukaku and McTominay tear net.

 

Now na one more pre-season game remain, before the UEFA Super Cup against Real Madrid and from everything wey we don observe ehn, e be like say United go badt gan next season.

Na the five things wey we observe be this:

Matic go fit Manchester United wella

The reports wey we dey hear from Sky Sports na say Manchester United don sign Nemanja Matic and dem don give am the No.31 jersey. As the Serbian don already sabi Mourinho’s pattern, e go fit well into hin philosophy. Once Matic come ehn, e go create room for Ander Herrera and Paul Pogba to move foward to cause havoc. We dey expect many goals next season.

Maroune Fellaini no dey go anywhere

 

Yesterday, we bin hear say Galatasaray don sign Fellaini, say na five years contract self. As United fans bin hear the rumour, most of dem bin dey happy – but Fellaini don send strong message to hin haters as e score against Valerenega tonight. Na him wey open the scoring for the Reds with one Thunder Header.

The Mourinho wey i sabi no dey play players wey wan commot – like the way e do with Adnan Januaj, Sam Johnstone, Memphis Depay, etc – But the fact say e fit start Fellaini in Oslo, don prove say hin no dey sell the Belgian.

Why Nemanja Matic transfer to Manchester United go favour Paul Pogba?

If no be for Fellaini, United for no win Europa League as the Belgian bin score important goals for the competition last season. Mourinho self dey feel the guy.

dgackfdwsaejplo

We get serious Left-Back problem 

One position wey United don dey struggle since na our left-back position as nobody fit fill up that role. Luke Shaw wey we buy to own am, too dey woundjure. As everything be now, the battle for left-back dey between Matteo Darmian and Daley Blind. E remain small Blind for score tonight but that one no cover hin flaws. Hin pack of pace bin dey obvious tonight. Na God go epp us with this position next season.

Lukaku dey prove hin haters wrong 

E no tey wey Lukaku enter match, e off Valerenga pant with one Mad Header. The Belgian international don show say Manchester United go dey dangerous for air this season. E sure me say the guy go worry Premier League defenders from set piece wen season start.

“Sell Fellaini? For what?!”

 

Our Pikins dey make my head swell

Our pikins don mature and dem don dey break into the first team small small. The Likes of Andreas Pereira, Axel Tuanzebe, Scott McTominay, etc don dey impress Mourinho wella with their stunning performances. Na Pereira do assist for the goal wey Lukaku score, and na McTominay score our third goal tonight. Fosu-Mensah and Demi try tonight self.

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s