Countdown to 2017/18 Premier League: Man United dey ready to fight for the title?


The English Premier League go return on Saturday August 12, 2017 and the Red Devils go face West Ham for Old Trafford Stadium. Na the first match wey Manchester United go play after their UEFA Super Cup against Real Madrid.

The match go dey very special onto say our former winsh Javier Hernandez dey return, as una sabi say West Ham don sign am. E sure me say the game go dey emotional for am, but we dey pray make e get bad luck against Man United.

Most Reds fans dey pray make United kick start their season with 3 points so e fit ginger them for the title challenge. But the main question be say, This current United team, dem fit lift Premier League title? Dem fit compete against the likes of Liverpool, Man City and Chelsea?

Nemanja Matic don sign for Manchester United from Chelsea

That kind mis-firing wey bin dey happen among our attackers, we dey hope say Jose don resolve am. Baba Special go dey count on hin new boys Romelu Lukaku, Victor Lindelof and Nemanja Matic to lead us to glory. If Lukaku fit score many goals like e do for Everton last season, e sure me say we go worry teams.

Image result for lukaku pogba manchester united

Jose Mourinho sabi say no body go want that kind yama yama 6th place finish wey happen last season. The least position wey fans fit accept na Third Position. But e go sweet our belle if dem carry League.

We at MUIP believe say Manchester United fit carry 2017/18 League title. What about you, Wetin you believe?


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s