The back and forth matter wey dey happen with Manchester United and Inter Milan ontop Ivan Perisic matter don tire person, and from the way we dey observe things, e be like say e no go end any time soon.
No be today wey the Red Devils don dey chook eye for the Croatian winger matter but Inter Milan dey too sturborn and dem no wan release the poor boy.
The reports wey we dey hear talk say Inter Milan wan make Anthony Martial dey part of the deal but Jose Mourinho no wan release hin french international.
This na wetin Inter Boss Spalletti don yarn ontop the matter.
“Few weeks ago, we bin dey yarn money matter with them and everything dey go well. Then everything con stop, so if una go ask me, na closed chapter,” na wetin Spalletti yarn.
“As days dey wakka pass, e go dey hard for us to replace am, so i dey against the transfer. Make e remain for Inter.”
But we don hear new reports wey talk say the two clubs still dey yarn and Martial dey part of the deal.
La Gazzetta dello Sport dey claim say Mourinho go accept hin proposal and e go give am Anthony Martial (on loan).
Make we dey see as everything dey plan out, but we at MUIP dey pray make Anthony Martial remain for Old Trafford as e fit epp us during our title challenge.