Five Things wey we observe as Manchester United knack Sampdoria 2-1

 

dgp5q3kxcaadui0

Nemanja Matic bin play well as Manchester United knack Sampdoria 2-1

Manchester United don round up their final pre-season match as dem knack Italian side Sampdoria 2-1. The people wey score for the Reds na Henrikh Mkhitaryan for first half, and Juan Mata for second-half, while the person wey score for Sampdoria na Dennis Praet.

We wan sharply talk about the five things wey we observe for the match.

The first thing wey we observe na say the way wey Jose Mourinho take set up hin team for first half make brain passs second-half. For first half, Matic bin dey play for Defensive midfield position, e con give Pogba chance to epp for attack and as usual Romelu Lukaku and Henrikh Mkhitaryan dey very sharp for the game. Anytime wey United steal ball, about five players go run go front, dey worry Sampdoria defence. For second-half, Herrera, Fellaini and Carrick con enter and the midfield con collaspe. E be like say Nemanja Matic na the missing piece to balance in Jose Mourinho’s team.

The second thing wey we observe na say Anthony Martial don find hin form again. Just like the way e worry defenders for the Real Madrid match, e also do am tonight and e even dey more consistent. Na him wey do assist for the goal wey Juan Mata score. We dey hear rumour say United still dey linked to Ivan Perisic. But with everything wey we don observe, i fit confirm say we no need am onto say Anthony Martial on form, better pass am.

Maroune Fellaini dey eye Old Trafford exit

Another thing wey we observe na say Victor Lindelof dey struggle. We no sabi whether na fear dey catch am onto say e dey big club like Manchester United, or if e don exchange brain with Chris Smalling. But the koko be say, e just dey shake up and down. I fit understand if you dey shake against Real Madrid and Barcelona, but why you go dey shake against Sampdoria? Jose gots follow hin new boy talk fast.

Another thing wey we observe na say Antonio Valencia na beast. The way e take use hin pace worry Sampdoria defence make brain. E sure me say Valencia na first choice Right-Back/Wing-Back for Jose Mourinho. Now the only problem wey Jose get na with Left-back as e never make up hin mind yet but e be like say e dey feel Matteo Darmian at the moment.

Ryan Giggs don yarn the areas wey Lukaku gots improve to blow for Manchester United

The last thing wey we observe na say the Red Devils dey ready for Premier League. From everything wey we don see for all the matches wey dem play, we fit talk say dem go be title favourites to carry Premier League. The least we go finish for the 2017/18 season na Third.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s