Five Things wey we observe as Manchester United knack Leicester City 2-0

Tonight na good night for the Reds as Manchester United knack Leicester City 2-0 for Old Trafford. The people wey score for the Red Devils na Super subs Marcus Rashford and Maroune Fellaini. As everything take be now, Jose Mourinho’s men dey top Premier League table with 9 points, dem don score 10 goals and dem never concede any goal.

We wan talk about the five things wey we observe for the game as Manchester United dey dominate English football once again:

The first thing wey we observe na say the confidence level don increase among the United players. Fashi say the first half bin end 0-0, the Reds bin worry Leicester wella as dem bin dey bang on the doors of the Blues with 13 goals on goal (3 dey on target). The Reds bin no give up throughout the game, even after Lukaku miss penarity, dem still dey attack and as Mourinho put Rashford, e no tey, wey e tear Leicester yansh.

The second thing wey we observe na say Jose Mourinho bin dey tactically sound today as all the substitutes wey e carry enter pitch bin impact the match. First na Rashford wey score, then substitute Jesse Lingard con do assist for another substitute Fellaini. Today na ‘Game of Subs’

Another thing wey we observe na say Victor Lindelof fit roast for bench as the combo between Phil Jones and Eric Bailly dey make serious sense. Today, na Phil Jones shine pass self as e manage chook Riyad Mahrez and Jamie Vardy inside hin back pocket. E also make many vital blocks & stops as the Reds take secure another clean sheet. If Phil Jones no wound as usual, e go hard for Smalling & Lindelof to break into the side.

Another thing wey we observe na say Ander Herrera na the Forgotten Man off Manchester United. Fashi say e win Best Player for the Reds last season, Hin leg never touch ball this season as th combo between Nemanja Matic and Paul Pogba balance wella and from wetin we dey see, Maroune Fellaini na third choice midfielder. Very soon, Ander Herrera go get hin chance but the koko be say e gots use am well because if e mess up, e go roast for bench.

The last thing wey we observe na say Jose Mourinho’s men dey in the driving seat now and as the season dey continue, e sure me say momentum go dey increase among the players. We know say e dey too early but We believe say Manchester United fit carry Premier League title this season.

Advertisements

One thought on “Five Things wey we observe as Manchester United knack Leicester City 2-0

  1. Great staff mate. I can’t understand some of the english used here but I try to understand most of it. Am not from Nigeria but all in all great analysis honestly. Hopefully we can be able to lift the title this season. Form one red to another GGMU.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s