German champions Bayern Munich dun go sharpen dem focus ontop Manchester United target Alex Timossi Andersson, as German news outlet Tz take yarn.
The 16-year-old Helsingborg IF forward dun enta tracking list by United since February after trial with Mourinho men, but the Bavarian giants dun enta as potential suitors for the Swede.
Andersson current side Helsingborg chop relegation recently from Allsvenskan, the Swedish top flight division, and so the club fit find am hard to keep hold of dem youth product.
However, despite say hin train with both Bayern and United, be like say Andersson no get any intent as to force move away from hin native club.
For one interview with Swedish news outlet Expressen, Andersson state say: “I no dey plan foreign move. I focus on HIF con pick them up for all Swedish (sic) instead … I go do as good as I fir, then we go see.”
While the forward dun highlight hin admiration of Bayern, we con believe say the 16-year-old fit prefer move to Old Trafford due to the Swedish influence for the club.
Swedish legend Zlatan Ibrahimović dun recently resign with the club, wey dun already get centre-back Andreas Lindelof on dem books con briefly home to icon Henrik Larsson, wey be say himself start hin career for Helsingborg.
Although neither club dun make formal bid for Andersson, Helsingborg relegation after 13 years for top-flight mean say dem no go deny the chance to cash in ontop the forward.