Reds striker Romelu Lukaku don take style yab Chelsea as e don pledge hin future to Manchester United.
“How much i go cost if i wakka commot from Old Trafford? I no dey go anywhere, na here i go remain for long time,” na wetin Lukaku yarn.
“Man United na big club. I no get release clause sef but e no consign me as i dey very happy.”
Na Chelsea bin dey chase Lukaku throughout the summer but e bin no wan pick up their call. As Red Devils talk say dem want am, e gree…
Almost all the players wey Antonio Conte bin try sign this summer, reject am. Abeg make the guy go drink water, no be by Defending Champions to attract players.