Napoli midfielder Marek Hamsik don admit say e go hard am to reject move to Manchester United.
The 30-year-old don play over 350 matches for Napoli since the time wey e wakka enter the Serie A club in 2007 and e don reject the chance to join Juventus and AC Milan.
From everything wey we dey observe, e be like say e go finish hin career for Napoli onto say e don extend hin contract by one year.
Reporters con ask am how e go react if United wan buy am and the midfielder talk say e no go think twice about moving to Old Trafford.
“E hard o, make i no lie. E go be the hardest decision for my career,” na wetin Hamsik yarn. “Everybody go like tap football for clubs like these but i no fit answer that now.”