Opposition Watch: Stoke City vs Manchester United



Manchester United go dey look to extend the last remaining 100 percent record for Premier League this season when dem travel go Stoke City on Saturday.
United get ogbonge record after three games as we don get nine points out of nine, don tear opposition teams nyash 10 times and we never even open Nyash once. We too mush abeg!


But Stoke don already knack one title contender this season as loanee Jese been score on him debut to trash Akagum FC (Arsenal) last month.



Mark Hughes never lose to United since Jose Mourinho join Manchester United as coachee – two 1-1 draws naim we play last season – so one record go end at the bet365 Stadium.

Kick off time:

The match go happen for bet365 Stadium and kick-off na by for 5.30pm on Saturday, September 9.

Stoke City Team news:

Kevin Wimmer fit make him  debut after completing one ogbonge £18million transfer from Tottenham.

Darren Fletcher go dey hope to start against him former club, but na doubt because of him knee injury. The same issue get Mame Biram Diouf, who also get knee problem. Ope o.

Summer signing Eric Maxim Choupo-Moting dey expected to miss the game cus of hamstring injury.

Manchester United team news:

Jose Mourinho no get any fresh injury concerns, as na still Ashley Young, Luke Shaw, Marcos Rojo and Zlatan Ibrahimovic dey sidelined.

Predicted Starting XI:

Stoke City starting XI: Butland; Zouma, Shawcross, Wimmer; Diouf, Fletcher, Allen, Pieters; Shaqiri, Jese; Berahino

Man Utd starting XI: De Gea; Valencia, Bailly, Jones, Blind; Pogba, Matic; Mata, Mkhitaryan, Martial; Lukaku

Head to head:


Key players:

Stoke City: Defenders Ryan Shawcross and Kurt Zouma dey in serious form as the two don try make sure say their defense no leak many goals. Just two goals. Them two two go prove a tough test for inform striker Romelu Lukaku on Saturday? Make we see.


Another of their Key players na Peter Crouch. The veteran striker been comot bench to score. The 6ft 7 Englishman fit cause trouble for Man United defenders.

Manchester United: The whole team dey in serious form as goals just dey fly yakpa. Lukaku, Mkhitaryan, Martial, Rashford and Pobga don combine score plenty goals. Them go be real test for the Potters on Saturday.

United goalie, de Gea, too dey in form. He never concede any goal for 3 games. He fit extend am to 4? Make we dey watch.


We believe say Manchester United go knack Stoke for their backyard sote dem go shit for pant. The kind form wey the team get no be here. Fire dey everywhere.

Until then make una chook eye for @manutdinpidgin across all social networks for tori. Comment your thoughts for our comments section Or you fit reach me on Twitter @Kvng_Jaydn. Never forget, #GGMU!


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s