Five Things wey we observe as Manchester United draw 2-2 against Stoke City


Today na bad day for the Red Devils as Manchester United bin draw 2-2 against Stoke City. The people wey score for the Reds na Marcus Rashford and Romelu Lukaku. This result mean say United’s 100% record for Premier League don come to an end. We at MUIP wan talk about the five things wey we observe for the match:

The first thing wey we observe for the match na say Jose Mourinho bin fail tactically today. We no even sabi why e change from hin winning formation, e go start Herrera & Darmian…The way Stoke take ball us today ehn, na only God save us, say we no lose today. E be like say Baba Special dey chook eye for Champions League as we get match against Basel for Old Trafford on Tuesday night.

The second thing wey we observe na say United’s midfield combo of Ander Herrera, Paul Pogba and Nemanja Matic no work at all today. For some periods, Stoke bin collect midfield for our hand, sote we begin do counter attack. Herrera lost for the whole match, Pogba too dey stingy, Matic na always Matic anytime anyday but e be like say e no sabi play with Herrera.


Another thing wey we observe na say some of our players bin dey suffer from international duty weakness. The honest truth be say this match tough as Stoke no wan gree, as dem self bin wan win the match. We personally wan hail Romelu Lukaku as many people bin think say e no go do well for United, but e dey impress me.

Another thing wey we observe na say Manchester United dey suffer from lack of people wey sabi cross ball. Valencia no sabi cross, Darmian no sabi cross, Martial dey cross once in a blue moon, Rashford no dey play crossing game. Abeg, so na who go con cross make Lukaku take head score?

The last thing wey we observe na say both Phil Jones and Eric Bailly mess up today. Dem just dey sleep for our defence. We no sabi whether na international break cause am but dem two no sharp at all today. Na why Stoke fit see one point for this game. Oh well, as dem no go play against Basel in Champions League due to suspension, maybe Smalling and Lindelof go impress.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s