‘I don miss Champions League! The UCL Anthem dey do me jibi jibi.’ – Paul Pogba


Manchester United midfielder Paul Pogba don admit say e bin miss the Champions League last season and e don reveal say e bin dey hear UCL anthem from other games and na wetin ginger am to win Europa League trophy.


The France international bin play key role as e take guide the Red Devils to their junior European success last season after dem knack Ajax for the final. The guy ball sote na him wey win the player of the tournament.


As e dey prepare to lead United in their group stage match against Basel, the Reds star don sharply run one interview.

“The truth be say i wakka enter Manchester United to play Champions League,” na wetin Pogba yarn. “Before i wakka enter last season, i bin know say i go play Europa League. But the koko na to win Europa, so we go fit wakka enter back UCL. Na wetin we do and e dey sweet me. Now we don show for UCL again, na the best cup competition wey dey this world.”

“Now dem don put us inside group and people dey talk say our group easy, but the truth na say, no easy teams dey Champions League. You go dey play against teams wey wan knack Manchester United. As we don dey the competition again, we wan prove say we belong there.”


“Difference dey between Europa and UCL. You no fit see teams like Bayern Munich, Real Madrid and Barcelona for Europa.”

“Make i no lie, i don miss the anthem. I bin miss am well last season. Na the fact say i miss am, wey make me play well for Europa. Anytime wey i hear that music, my body dey do me jibi jibi.”


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s