Manchester United manager Jose Mourinho don react ontop the 3-0 knacking wey hin side give Basel for Old Trafford in their Champions League opener.
As everything take be, the Red Devils dey top table in Group A on goal difference, While CSKA Moscow dey second as dem beat Benefica 2-1.
The Reds boss bin dey impressed with hin players but e pain am small say hin players no demolish Basel completely.
“My boys play with confidence. But after goal number two, my boys start play rubbish. I no like am,” na wetin Jose yarn.
Mourinho don also praise hin super sub Maroune Fellaini as na him wey impact the clash.
“As I be Baba special na so Lord Fellaini na special player too. Yin be one of my most important players.”
“My players be dey do play Station tricks and fantasy football for field. See me witchcraft? Dem go hear me 4 dressing room.”
The United manager bin also talk about Paul Pogba’s injury but e no sabi how serious the wound be.
“Maazi Pogba don wound. Medical team go do their work. But we get other midfielders wey fit replace am.”