As we don hear say Paul Pogba dey out for one whole month due to the hamstring wound wey e get, we dey wonder how Manchester United go set up without am?
The Red Devils still get the likes of Maroune Fellaini, Nemanja Matic, Ander Herrera and Michael Carrick. Even Scott McTominay dey, but e sure me say na League Cup matches wey e go play.
For Premier League and Champions League matches, we dey wonder if Jose Mourinho go stick to Fellaini and Matic, or e go use Herrera and Matic. We never see Carrick and Matic self so we no sabi say if their combo go tap.
Right now, Ander Herrera no dey inform so e fit be back up to Fellaini but una sabi how football be, Na only one bad game wey Fellaini need get, wey go make Jose turn hin attention to Ander or Michael.
Who you go like make Mourinho partner Matic with?