Jose Mourinho: Liverpool get timetable advantage for weekend

Manchester United manager oga Jose Mourinho dun yarn say hin rivals Liverpool dey ‘luckier’ to receive additional days so as to prepare wella ontop Premier League next round wey go show for weekend.

Both United and Liverpool dey Moscow as dem face CSKA and Spartak respectively, as e be say na Liverpool play dem own earlier than United.

Liverpool struggle like upcoming yahoo boys take of say dem just wan off Spartak yanch, but last last na just one shipini point dem carry commot for Russian capital after all dem initial gragra. I just sidon dey wonder when Liverpool and Arsenal become padi ontop all this initial gragra wen no even commot chew gum money for pesin pocket for naija here. But for d other side of d capital, United enjoy ogbonge night of European football after dem show dem say no be shere shere dem dey call us Red Devils for CSKA mama and papa backyard, as dem win by four goals to one, wey con include confam brace from inform striker Romelu Lukaku.

As hin yarn for United website, na watin Baba Special yarn be this when dem ask am weda hin players hole small relaxation during dem victory for Moscow:

“We get game for Saturday. Liverpool dem dey luckier than us, dem play Tuesday and Sunday, we gats to play on Wednesday and Saturday  join for 3pm. So I think say e normal sha, a little bit of relaxation.”

Mourinho and  United go face struggling Crystal Palace side for Saturday, as Liverpool go commot carry all dem nylon bag and dangote sack go Newcastle for Sunday as e be say both team go wun build on dem steady starts to the season.

Althight the schedule favour him Premier League rivals, Mourinho happy wella with hin side performance against CSKA in dem first away Champions League tie of the season.

Mourinho and Manchester United go dey look to carry go ontop dem ogbonge start to the season, as the Red Devils still never commot any L for dem stat this season for table. Online some people. I no kuku call names.

“I think say we make am look easy. We start with correct power, I think we slap them with hot surprise with awa attitude and we strong wella. We kill the game gan. They no even look like say dem be team like the way dem always dey look, but I think say na because of us.”

Only second to dem neighbours City ontop of say goal difference plenty pass one, dem go wan carry all three point commot for Struggling mama and papa house go take am chop bread and beans for OT for Saturday.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s