Ashley Young don admit say Manchester United dey ready to fight for all the trophies this season .
Since that defeat wey happen against Real Madrid in August, the Red Devils never lose any match as dem don win five matches and draw one for Premier League.
The Reds don also win their first two matches for Champions League, with victories of Basel and CSKA Moscow.
“Everybody wan win all the trophies for here o,” na wetin Ashley yarn. “We no go take any competition for granted.”
“We go dey serious in all of them, whether na for Premier League o, or na for Europe.”
“All the trophies wey we win last season sweet us but if we fit win the Champions League, Premier League, League Cup and FA Cup titles ehn, e go sweet our belle wella.”
“So we go try win all of dem and i dey reason say with the kind squad wey we get, we fit achieve am.”