Today na another good day for Manchester United fans as we trash L merchants, Crystal Palace, 4-0 for Old Trafford. The people wey score na Juan Mata, Fellaini (x2) and Lukaku. The players ball Palace sotay dey wan cry. Na their ratings be this, enjoy am!
David de Gea: Numero 1 no even see anything do today sef. Just be like us dey watch game from start to finish. He no make any mistakes and him spreading of play sweet gan! He also keep clean sheet. I give am 7.
Valencia: ‘One Way’ just dey motor up and down that right wing through out this game. Palace fullbacks no fit keep up with and and him defensive contribution make sense die. Solid performance! I rate am 7.
Chris Smalling: Very good game he get today. He read the game well and make some vital tackles. Passing dey on point. Like say sense don dey enter him head small small. I give am 6.7
Phil Jones: Steady as a rock. Jones boss that backline today. Him no let that Crystal palace striker wey carry head like Bance trouble de Gea. He bully am through out. Composure na 100/100. I give am 7.
Ashley Young: Youngy just dey send people father go message for that right wing. Na him contribute one assist with that sweet cross into the box. Defensively, he try wella. I give am 7.5
Marouane Fellaini: ‘Lord Fellaini’ na man in form. Him game today just be like say I dey watch Jon Snow dey destroy white walkers. Lord Fellaini boss that midfield with class and come top am with two quality goals. At this rate, Pogba go become forgotten man for Man United. I rate am 10.
Matic: Best midfielder for England. Once again, him get Confam game. Scatter all Crystal Palace attack and him pass distribution na die. Matic for win Man of the match e to say him score. I give am 9.
Juan Mata: Spanish maestro! Juan Ikeji ball fire today o. Under two minutes him don burst Palace Nyash. Him for score more but luck no dey. Other than that I thank God say him don finally score. I rate am 7.
Henrikh Mkhitaryan: I no too dey impressed with Mkhi. Him final ball no get that edge of last 3-4 games. What’s strong with you na Mkhi? Him get slightly average game and I hope say he go improve. I rate am 6.5.
Marcus Rashford: This guy na Livewire winch. Small pikin wey no dey fear face. Just dey use pesin father sweep gutter for that left wing. Him contribute two assists for this game. And him overall play make sense. I give am 8.
Romelu Lukaku: Lukaku ball wella today but he no take all the chances them give am. He suppose get pass two goals today. Sha at least he score but he gots dey more accurate and take all the chances wey he dey get. I give am 7.
Jesse Lingard: Lingo Lingo come in for Mkhi for second half and try make something happen. Decent contribution but no real output. I give am 6 for all his labour.
Martial: Replace Rashford for second half. As e enter e still use pesin father sweep ground come register assist. Decent contribution all round. Martial toh bad gan! I give am 7.
Ander Herrera: Enter for Martial to seal the game. He make some neat touches for opposition half to carve them open. Tracking, marking and passes dey on point too. Good contribution. I give am 6.8
Na the player report card be this. Hope say you enjoy am. Till next time, make una chook eye for Manchester United in Pidgin across all social media. Never forget say United we stand. #GGMU