Manchester United boss Jose Mourinho dey believe say hin side fit improve after the 4-0 thrashing wey dem give Crystal Palace on Saturday.
The Reds dey siddon for second position for League table behind City but the United manager believe say hin players fit still improve.
“The three points na the koko,” na wetin Jose yarn. “I bin tell my players say make dem respect Palace players, say make we no underestimate dem because dem dey bottom of the table.”
“The 4-0 wey we get, we no deserve am as we no dominate dem throughout, some times we play well, other times na rubbish we dey do. But the koko na say we wakka commot with three points.”
The next match wey the Reds get na against Liverpool on October 14th and e go happen for Anfield.