Alvaro Morata bin fly out to Spain this week, and the first news wey e receive from Spanish doctors na bad news, dem talk say e get hamstring wound (grade 2 myofascial injury) and the recovery time for this kind wound na 2-8 weeks. Morata don fly back to Chelsea, and the reports wey we dey hear na say e go do another test regarding the matter.
Chelsea dey hope say the test wey dem go conduct, fit prove say the wound no serious. Make we dey see sha. Now wey the Blues dey without their number one striker, e mean say dem gats rely on Michy Batshuayi.
From everything wey we dey hear Morata go miss the clash against Manchester United in November.