‘Jungle don mature’ – Axel Tuanzebe don react on hin progress at Manchester United

Axel Tuanzebe dey feel as if say e don mature and improve onto say e dey spend time with the first team.

The 19-year-old bin dey part of the squad wey Jose Mourinho carry go do pre-season Tour in 2017.

If no be for back wound wey hold am this season, e for don feature for Manchester United in the League Cup, but the pikin bin dey among the squad wey the Red Devils carry go Moscow when dem knack CSKA 4-1 in Champions League last week.

“I don mature and my game don improve. I dey reason say i dey do things wey make sense now. I don learn how to be team player, before i bin dey play for myself,” na wetin Tuanzebe yarn. “Na the koko about entering first team be that. Everything wey you wan do, gats benefit the team.”

“I don dey with the first team many times now and i still dey learn. For this life wey una see so, na everyday wey person dey learn, na how life journey take be. E sweet me say dem carry me go Moscow, i bin learn many things.”

Tuanzebe never play any match for senior team this season but e bin dey on the bench in Moscow. The pikin don praise new signing Romelu Lukaku.

Manchester United Striker Marcus Rashford don react on hin rivalry with Anthony Martial

“Lukaku dey ball,” Tuanzebe still dey yarn. “Nobody be like am ontop pitch, na him wey shine pass and the guy be like bulldozer for front. E no take am time to balance yansh well for United, na as e enter, e begin play well. E fit speak about seven languages so e dey yarn with everybody wey dey here. People dey look up to am. Him no dey proud, e dey follow everybody talk. Lukaku be better person.”

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s