‘Nobody for do pass wetin i do after Alex Ferguson retire’ – David Moyes

David Moyes no dey look back in anger at hin time at Manchester United as e believe say nobody for do pass wetin e do after Sir Alex Ferguson retire.

Earlier, Jose Mourinho yarn say Manchester United bin dey inside gutter during the three years after Sir Alex Ferguson retire. E talk say the Red Devils get luck say e arrive to return them back to where dem belong ‘Fighting For Trophies’.

David Moyes don reply am and e voice hin mind.

“That one na Jose’s own cup of tea, if una go ask me, after Sir Alex retire, transition period suppose dey now,” na wetin Moyes yarn.

“No be only Sir Alex wey wakka commot then, David Gill bin step down and Ed Woodward replace am as Chief Executive.”

“So, e suppose take time now. Even though i been take over defending champions, clubs like Chelsea and Man City bin spend big money that summer to overtake United.”

“Make una dey talk with sense self, How i go wakka enter club wey just carry League title and i go begin rip them apart. If say we bin sign the players wey i bin wan sign, our season for dey different.”

“That time, we bin try sign Gareth Bale and Cesc Fabregas. But the deals no happen, if say e happen ehn, we for cause havoc.”

“I gree say United manager suppose win many matches but i no fit win enough but no manager wey dey this life, for do pass wetin i do, after Sir Alex Ferguson retire.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s