The kind serious hamstring wound wey Paul Pogba get, fit force Manchester United to dive into transfer market to sign new person, na the reports wey we dey hear.
Jose Mourinho don confam say Pogba go dey out for long time, like Rojo and Ibrahimovic, and United dey look into ways so dem go fit prevent these kind wounds.
The Daily Star talk say United wan employ one Doctor wey get special training for dealing with Pogba’s hamstring problems.
The Doctor wey go start work soon, go look at how Pogba dey run, to see if na wetin dey cause hin hamstring problem.
Dem also talk say Mourinho don ban Pogba from playing basketball in hin spare time, so e no go worsen the situation.
In other transfer tori, United dey chook eye for Brazilian winsh Yuri Alberto.
The 16-year-old striker bin impress for the Brazilian U-17s team and wetin The Sun dey talk na say many European top clubs dey chook eye for the pikin matter.
United don send scouts say make dem watch am this summer, even Arsenal dey chook eye for Yuri side.