Danny Rose dey set to reject Chelsea as e wan join Manchester United for £45m deal


Tottenham Hotspur defender Danny Rose wan wakka enter Manchester United, so e go reject offers wey dey come from Chelsea onto say e wan move go Old Trafford, na the reports wey we dey hear from Daily Star.

The England international never play for Spurs this season because of the wound wey e get but Ben Davies don shine wella in hin absence.

During the summer, Tottenham bin fine Rose two weeks salary because e talk say the club no dey pay their players better money, so e go dey reason offers wey come hin way.

No be today wey Jose Mourinho don dey eye Danny Rose and e believe say the guy fit solve United’s left-back issue.

Manchester United dun tell Arsenal to enta gutta as Wenger dey find Sanchez replacement for Old Trafford

Antonio Conte bin wan sign Rose last summer but Rose tell am say make e gerrout, because e bin wan sign for United. The Spurs defender go cost the Red Devils £45m and United dey hope say dem fit sign am before the World Cup.

Anything wey go make Rose enter United, mean say Luke Shaw go leave Old Trafford as the guy dey struggle since the time wey e enter from Southampton.


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s