Five things wey we observe as Manchester United draw 0-0 against Liverpool

dmglidtwaaina_t

Today na frustrating day for Manchester United fans as the Red Devils bin draw 0-0 against Liverpool for Anfield. Most fans go dey pray to forget this game quick as na one of the worst matches wey Jose Mourinho’s men don play this season.

We wan sharply talk about the five things wey we observe for the boring game:

The first thing wey we observe na say Ander Herrera and Nemanja Matic’s combo for midfield no work at all. The only thing wey Herrera do for the game na to make tackles, all the times wey ball dey hin leg, na rubbish e play (Na either e go give rubbish pass or e go lose possession). We bin dey think say Herrera go step up now wey Fellaini and Pogba dey injured but e bin struggle. Jose Mourinho don use style yab Matic and Herrera as e talk say Liverpool midfielders bin over-power dem for midfield.

Players Report Card: Liverpool vs Manchester United.

The second thing wey we observe na say Manchester United bin dey very solid defensively today. Chris Smalling and Phil Jones impress me as dem keep out Liverpool. The few times wey Liverpool bin breach their backline, David de Gea bin save Manchester United. We wan specially thank De Gea for the mad save wey e make to keep out Matip.

Another thing wey we observe na say our attackers (Anthony Martial, Romelu Lukaku and Marcus Rashford) bin struggle against Liverpool. The people wey i go blame na Herrera and Matic because as dem lose midfield, e con make the game hard for our attackers. For first half, Martial wey suppose dey attack, con spend most of hin strength tracking-back. Rashford con enter second half, and e affect am too. Romelu Lukaku bin dey isolated for the most part of the game. But e bin see one big chance wey e suppose bury, but e go miss. Apart from that Lukaku chance, United no create another chance wey make sense as dey con dey find draw. The Belgian’s link up play no too tap today as e lose possession many times.

Manchester United defender Eric Bailly don injure

Another thing wey we observe na say Jose Mourinho bin fail tactically today as we no sabi wetin make am play Ashley Young for right wing. Inshort, the way Manchester United bin set up today na error. How you go dey defend for 90minutes without plan to do counter attack?… Throughout the second half, the Red Devils bin no get one single attempt. Na very poor performance.

dmgvmv8xcay0gqq

The last thing wey we observe na say Manchester United dey miss Maroune Fellaini and Paul Pogba. This match bin dey cry out for players wey get physical strength but as dem no dey, na so Liverpool take control the game from start to finish. We just dey pray make Herrera’s form improve because Fellaini and Pogba no dey. We need am to step up this month. We no know how e wan find hin last season form, for the place where e put am, but e gats find am.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s