Manchester United defensive midfielder Nemanja Matic don yarn ontop how hin former club Benfica take change hin life for the better.
“When i first wakka enter Benfica, the manager Jorge Jesus tell me say i go play as no.6, say na defensive midfield work wey i dey come do for here,” na wetin Matic yarn for MUTV.
“When i first start am, e bin dey strange to me because no be my normal position then. But i bin learn am small small as the manager teach me. After all the hardwork and effort, i dey Manchester United so e mean say i try wella.”
“Benfica na special club, i love am. Na for there wey i learn about football and dem teach me how to contain pressure, because dem be one of the best clubs wey dey Europe.”
“I go support dem for the rest of my life, dem dey my heart forever. But i hope say we go knack dem for Champions League.”