Mourinho’s press conference ahead of Benfica v Manchester United : The Koko na to qualify

dmwigz4x0ais1lk

Manchester United manager Jose Mourinho don run press conference ahead of the Champions League match wey Manchester United get against Benfica for Lisbon on Wednesday night.

The Reds boss don address plenty important issues wey dey worry people.

“The koko na to qualify. This na match wey we go try win,” Mourinho dey yarn.

“Many players don wound, so we no get many people to pick from, so i dey reason say, e dey easy for the media to guess our XI. I believe say Benfica need 3 points badly, so i don study dem wella, i know wetin dem fit do. We go think about us, we no go think about Benfica. We go play our game, we go try knack dem.”

“We wan try win Benfica. E go dey hard to qualify from this group if you get below 10 points.”

The United boss don also address the speculation wey surround hin future and e talk say English media na bunch of liars.

“Nothing dey happen. I no dey sign new five year contract and i no dey go PSG. I dey Man United, I no even know who tell una say i wan renew my contract, bizi body. I get contract, dazall,” Mourinho still dey yarn.

dmwgbviwkaaj0jk

“Na so so liars full English media. Dem just wake up, begin spread rumour say i wan renew contract. say na £1 bl per season. The next day, the same English Media talk say i wan wakka commot. Una no dey fear God?.”

“The only thing wey dey true na say i no go end my career at Manchester United. For modern football, E no dey possible to remain for the same club for 15/20 years… After Wenger, e no go happen again.”

MORE: Wetin you gats know about Manchester United’s Champions League clash v Benfica?

Mourinho ontop the pundits wey dey yab hin performance against Liverpool: “The only comment wey i get for una na silence.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s