Five things wey we observe as Manchester United knack Benfica 1-0

dmcwpmhwkaa3rqx

Manchester United don get back to winning ways after dem knack Benfica 1-0 in the Champions League on Wednesday night. The person wey score for the Red Devils na Marcus Rashford. Jose Mourinho’s men dey top Group A with nine points, Basel dey second with six points, CSKA Moscow dey on 3 points, while Benfica dey bottom with 0 points.

The truth be say the match dey very boring but the koko na say Manchester United don collect 3 points. E mean say the Red Devils don chook one leg inside knock out round. The next UCL match wey United get na against Benfica for Old Trafford, and if dem win, dem don qualify.

We wan talk about the five things wey we observe for the match:

The first thing wey we observe na say Manchester United bin dey defensively solid, na why dem manage keep clean sheet. The people wey start for Centre-backs na Chris Smalling and Victor Lindelof. Dem two impress me wella. Dem try sote David de Gea no too get work. We dey happy for Lindelof onto say e don show Jose Mourinho say e sabi play ball. We dey hope say e go fit start against Huddersfield this weekend.

Another thing wey we observe na say Ander Herrera and Nemanja Matic combo no dey work. Matic bin play well, while Herrera play rubbish. E sure me say Herrera go return back to bench when Fellaini and Pogba return. We no go lie, Herrera no dey use this opportunity well, we bin expect say e go prove hin worth to Jose Mourinho this period, but e be like passer-by. Anybody wey sabi Herrera, go talk to am, so e go improve.

Another thing wey we observe na say Henrikh Mkhitaryan’s form dey decline. The way the Armenian international take start the season ehn, you for think say e go get 100 assists, but lately e don dey play rubbish and na the same thing wey e do tonight. We no sabi wetin dey do Mkhitaryan, but our only advise for am, na say if e no improve, e go soon begin warm bench.

Another thing wey we observe na say Manchester United bin win by luck. If no be for the error wey Benfica goalkeeper do, the match for finish 0-0 as United attack no sharp at all tonight. Jose Mourinho’s men dey miss Maroune Fellaini and Paul Pogba influence, so the 4-0 thrashing fit return.

MORE:  ‘E bin wan match my Head commot’ – Lovren don accuse Lukaku of assault

The last thing wey we observe na say Manchester United bin dominate the game as dem get 72% ball possession with 5 attempts on target while Benfica get 28%…But the Reds team no dey convincing at all. Many United fans self no dey happy with the performance because Jose Mourinho’s men no play attacking football.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s