Player’s report card : Benfica 0 vs ManUtd 1


benfica vs manutd

After wetin be like another start to our draw soup chronicles from last season, we waka enter Champions league and na Benfica we go to play the next match for we group stage.

The match na really one of the worst matches we don play this season and e show say we need to still do plenty work for especially the midfield wey dey link up with attack. Once we get ball, to go forward na wahala.

As e be now, we dey top our group but truth be say if we play some teams we no fit get this kind result as dem go continue to pressure us. Forget say our defense never concede goals plenty this season but if we no attack then the other team go attack and dem go increase their chance to score goal unless dem be otu like Liverpool.

Na the player ratings for the game be this, make una enjoy am

DeGea: he no really get plenty work to do as he keep him 9th clean sheet of the season. This thing don dey dey too easy for am i swear. I dey look forward to am keeping at least 15 of such this season for EPL. I give am 6

Valencia: no really deliver much when he suppose to assist the attack with those him runs from defence. He come do collect yellow card join. I give am 6

Lindelof : maybe na because na him former team but he balance well for this game. I fit remember 2 very good passes wey he do to unleash the attack. I give am 6

Smalling :  he do well for all the aerial battles as he make sure say Luisao no get chance. My only problem with am na say he no dey think anything pass to play ball back to DeGea once ball dey him leg. I give am 6

Blind : he dey very poor for this match. I no see any effect wey he bring. I give am 5

Matic : this one still sabi the stadium wey he play before well. Na him control the whole game and make sure say nothing pass am for midfield. He also attempt shots when he see say our striking option dey dull. I give am 7, na him be my man of the match.

Herrera : the poor form still continue frm him last game. He no add anything to the team make i no lie. He really need to step up him game if he wan still remain for the team. I give am 5

Mata : he play well for the match when he dey the 10 role. Him try to break their defence with him pass and run. I give am 6

Rashford : i vex with am when the match start. He dey play like say na U-17 tournament we dey and just dey run run up and down. As the match come begin advance, he come settle in and he get goal from the free kick wey he knack.

Mkhitaryan : very poor performance from am, he no do anything to help the team at all as he just dey do wrong passes and dey lose ball. I give am 4

Lukaku : he no receive balls from the midfield well but him self follow lose some balls wey he suppose take advantage of. I give am 5



Martial :  he enter and ginger the game well and almost score, which show say if to say he start the match, things for different. I give am 6

Lingard :  he run , yes he run. I give am 5

McTominay : he no really do bad at least for him first UCL debut as he enter very late. At least he don know wetin e be like to play for Champions league.

So from now na unto the next game on Saturday against Huddersfield. We no get any excuse not to win that match sha. Until then, make we remember say #UNITEDWESTAND


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s