Five things wey we observe as Huddersfield Town knack Manchester United 2-1


Manchester United don record their first defeat of the 2017/18 Premier League season and e happen against Hudderfield Town. The person wey score for the Red Devils na Marcus Rashford but hin goal no fit save Jose Mourinho’s men as dem lose 2-1 to Huddersfield. Right now, United dey 5 points behind Man City as their Rivals knack Burnley 3-0.

The first thing wey we observe na say Ander Herrera and Nemanja Matic combo don prove us right again. Their combo na the worst wey i don see in the history of Manchester United as we no dey play attractive football if dem two dey our midfield. Person like Matic suppose partner with Fellaini or Pogba so the midfield go get power but as dem no dey, e mean say Mourinho gats settle for less (Herrera). The last time wey United play well, na when Fellaini dey fit.

The second thing wey we observe na injuries don finish Manchester United this season. Today, Phil Jones don add to the list of injured players. The person wey replace Jones na Lindelof and as that one enter, na total rubbish wey e do and na him wey cause the two goals wey Huddersfield score in the first half. The guy na confam pipe.

The third thing wey we observe na say Manchester United no dey smooth in possession. We no sabi wetin cause am but lately, United dey play like say dem dey tired as their passes no dey as smooth as when the season start. Most times, dem dey give away cheap possession. The first goal wey Huddersfield score, na Mata wey dash dem ball after Young give am nonesense ball.

Another thing wey we observe na say Manchester United dey slide out of title race with this defeat against Huddesfield. Make i dey honest, who wan stop Man City now? If you no fit win matches against Huddesfield, You no fit carry Premier League title. The fear na also the fact say United never play most top teams for the League.

MORE: Mkhitaryan and Shaw dey absent from the Manchester United team wey travel go Huddersfield

The last thing wey we observe na say Manchester United players no sabi cross. Apart from that one wey Lukaku cross, wey Rashford score, all the other crosses wey happen today na error. Ashley Young and Antonio Valencia gats attend crossing lessons. Dem dey frustrate Lukaku with lack of good crosses.


Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s