Juan Mata’s Blog: “Manchester United gats stick together when bad results happen”

Another monday don reach and Juan Mata don come again with another episode of hin blog and we at MUIP dey here to translate am for una:

My People how una dey,

I dey write una after defeat wey dey strange for us this season, na truth wey i dey talk. We bin dey good run but as we no play well this weekend, dem knack us. We bin know say we no fit play the season unbeaten sha but no be something we dey pray for. Now na the time to learn from our mistakes, we gats ginger again, and we gats join body now wey things no dey go so well because we need am. Since that time European Super Cup happen, we don dey play well until we jam Huddersfield, dem do everything pass us, na how dem take win us. I wan congratulate dem, but i dey look front, i don fashi the game already. Premier League no be sprint, na marathon, the journey still far.

Make we no forget say we knack Benfica in Champions League during the week, so we dey siddon ontop of Group A with nine points. Our fixtures no easy but we dey try. After season finish, we go look at how we perform for all competitions, before we begin talk if we perform well or not.

This week na two matches wey we get, the first na against Swansea for Carabao Cup. Na away match but we go try our best to knack dem because we be defending champions.

Later, we go play against Tottenham for Old Trafford. The match no go easy as dem be one of the toughest teams for Premier League and Champions League. We fit use this match make bold statement, say we don improve this season.

I dey leave una now and i hope sag i go get positive news for una next week monday. Make we hug,



Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s