Manchester United manager Jose Mourinho don run press conference ahead of the Champions League clash wey hin side get against Benfica on Tuesday night. The match go happen for Old Trafford and the Reds boss dey confident say hin team go qualify for the next round.
“I dey reason say all our injured players never come back. Our training go start at 4pm and i go confirm,” na wetin Mourinho yarn.
“The koko na to qualify for the next round.”
“10 points go dey alright but our aim na to finish first for the group.”
“We bin play Marcus and Martial together against Swansea so dem fit play together. But we no fit play with 12 men.”
“Why i go dey think about Chelsea? I dey craze. Na only Benfica and Champions League dey my mind.”
“E bin dey easier to knack CSKA and Basel than Benfica, my players self sabi. Benfica sabi ball pass dem.”
“The fans na the fans. Dem dey pay for their tickets so dem fit do anything dem like.”
“Lukaku na one of the people wey fans suppose respect. The guy dey try. As for me, i go protect my players from abuse. I no fit drop Lukaku, e dey important.”
“The only thing wey people care about na make person dey score but Lukaku dey worry, e dey cause nightmare for defenders.”
“Make una go ask Alderweireld, Vertonghen and Dier if Lukaku dey inside their pocket… For Where?? E worry dem.”