Juan Mata’s blog: “We don show say we fit compete”

As Today na Monday, Juan Mata don come again with hin #MondayMotivation blog and we dey here to translate am for una:

My people how una dey,

One week don wakka past and we don return back to our winning ways. We don show say no be intial gra gra we dey do when season start as we knack Swansea in Carabao Cup, and Tottenham in Premier League. For the two matches, we no even concede so e make sense gan. This our team fit compete and i don dey tell una since. As we don knack Swansea, e mean say we fit still defend our title for Carabao Cup. Our next game for there na against Bristol City, na quarter-final match but e go happen for mid-December so enough time dey for us to focus on other competitions.

Make i start with Champions League. This Tuesday, we dey play against Benfica for Old Trafford. We dey on nine points while dem dey on zero points but that one no mean say we go underate dem as dem no be small team for Europe. We don chook head for ground as we know say three points go carry us enter the next stage, and we dey play for Old Trafford again. Our fans go shout sote their players go piss for body.

When Sunday reach, we go play against the defending champions, Chelsea so we gats dey at our best and show everybody say we fit collect three points for Stamford Bridge. Millions of fans dey look foward to this game as dem go don mark am for their calendar.


Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s