Manchester United boss Jose Mourinho don react ontop hin side’s 2-0 win over Benfica in the Champions League. The Reds manager don dey silence all hin critics as United dey get the job done even if dem no dey play beautiful football.
‘When I take decision, I don take decision. Why una dey question me?,’ na wetin Mourinho yarn for press conference after the game.
‘We score 2 goals today, collect 3 points, no injury, club bank account swell, I be happy person. Unto the next.’
‘I no allow make Lukaku take penarity because if yi be miss,these fans for just kill am.’
The Boss don heap praises on Scott McTominay as the pikin play better ball for midfield.
‘I dey very happy, see as Mctominay play better ball. We go dey try to always improve.’