Five things wey we observe as Chelsea knack Manchester United 1-0: Mourinho don kill us

dn4ierewkaemfyx

Today na bad day for Manchester United as dem lose 1-0 against Chelsea. The person wey score for the Blues na Alvaro Morata, for second half. Currently, Jose Mourinho’s men dey 8 points behind City.

We wan talk about the five things wey we observe for the match:

The first thing wey we observe na say Jose Mourinho bin fail tactically today as e start Mkhitaryan ahead of Fellaini, especially because say Chelsea bin start with three midfielders (Bakayoko, Kante, and Fabregas). If say Fellaini for start, the game for dey different as Mkhi bin dey 100% uselsess for the match. E no offer anything at all. Chelsea bin collect midfield for our hand totally.

The second thing wey we observe na say Romelu Lukaku no be big game player. Everybody sabi say supply go dey scarce when you dey face big team so wetin dey important na make you use ball well when you see am. All the times wey ball reach Lukaku, e spoil am. E no link up with Rashford at all. The worst part about am na say Chelsea defenders dey win ariel duels against am. The time wey United begin win ariel duels na when Fellaini enter pitch.

Another thing wey we observe na say Manchester United bin dey disjointed today. Na only God save Jose Mourinho from shame. This game for end like 2-0 if Morata score that hin one on one. The greatest problem wey Man United get na say, when dem dey play defensive football, no form of counter-attack football dey happen. The only thing wey dey happen na say, dem go collect ball back from Chelsea and dem go give the ball to another Chelsea player to start again.

Another thing wey we observe na say Eden Hazard and Alvaro Morata bin wan kill our defenders. The kind pressure wey dem give our defence ehn, i no fit balance yansh well. If no be for De Gea, the scoreline for dey shameful today.

The last thing wey we observe na say Manchester United no fit catch Man City with this kind negative football. If say you dey play rubbish win, nobody go complain but the fact say you dey lose after playing total rubbish, na real cause for concern. With the fast-flowing football wey City dey play, United no go catch dem. Maybe things go change after pogba come back sha. But for now, na rubbish.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s