Manchester United legend Ryan Giggs don yarn say Leroy Sane dey play for the wrong club as e wish say the guy dey at Old Trafford.
The 21-year-old bin wakka enter Man City from Schalke in August 2016 and dey con shortlist am for the PFA Young Player of the Year after hin first season at the club.
Sane don play key role in City’s unbeaten run this season, as e don score eight goals so far and Giggs dey wish say the German international dey play at Old Trafford.
“E dey play for the wrong team sha,” na wetin Giggs yarn for ITV Sport ahead of the 0-0 draw wey happen between England and Germany.
“This season, e be like say everything dey hin body. If hin opponents lose ball, e go carry am run start attack. E sabi cross self and e dey tear net. Him na confam complete wide player.”