As hin fit see hinsef as the record holder, FIFA no see am that way.
Lukaku score twice for the 3-3 draw with Mexico on Friday, before hin con net the only goal for Tuesday night victory for home to Japan.
The Belgian FA tweet say the United striker dun move onto 31 goals for hin country, as e take am one clear of Bernard Voorhoof and Paul van Himst, wey finish dem international careers with 30goals.
As mata take be, Lukaku dey officially only on 28 goals after FIFA nullify one international friendly between Belgium and Luxembourg wey be say hin net confam hat trick. Belgium win the World Cup warm-up game 5-1 for Genk on May 26, 2014, but FiFA wipe am from dem official records after the Red Devils make seven substitutes – one more than the six wey dem permit dem. E con also mean say Adnan Januzaj debut for hin country no get any FIFA recognition
Lukaku go get chance to move closer to the 30-goal record when Belgium return to action with pre-World Cup friendlies for March next year .