Right now, Manchester United dey eight points behind Man City but we believe say Jose Mourinho and hin men fit catch up to their Rivals.
The first thing wey dem gats do na to kack Manchester City Home & away. The way everything be now ehn, if United go draw/lose against City, na bye bye Title race. If dem fit beat City, e go ginger their moral.
The second thing wey dem gats do na to improve their away form. Their away form dey bad for Premier League this season as dem don face back to back defeats against Huddersfield Town and Chelsea. Dem gats improve if dem wan mount title challenge.
Lastly, dem gats change their mind set toward Top 6 matches. Mourinho gats change hin defensive approach to dem. E no dey work again. You no go fit win League if you dey pray for draw against top teams. E make sense to ginger try win, so e go boost your moral.