Five Things wey we observe as Manchester United knack Newcastle 4-1: Pogback

do8edi0w4aathux

Na Good day for Manchester United fans as the Red Devils come from behind to knack Newcastle 4-1 sote dem wan shit for pant. The people wey score for the Reds na Anthony Martial (Header), Chris Smalling (Header), Paul Pogba (Tap in), and Romelu Lukaku (Thunder shot).

Jose Mourinho and hin men dey eight points behind leaders City and we at MUIP dey pray make Guardiola’s men drop points so we go fit catch them. Meanwhile, we wan talk about the five things wey we observe for the match.

The first thing wey we observe na say Paul Pogba don show hin level of importance to the Manchester United team as e ball fire v Newcastle. The French international bin control the midfield. Even when Newcastle bin dey lead for first half, na him wey ginger the come back. The Pin-Point cross wey e give Anthony Martial for the first goal make mad brain, assist of life. We dey hope say e go dey fit for long time so e fit lead United to overtake City.

The second thing wey we observe na say Manchester United bin no panic in the match when Newcastle bin dey lead. But i no go lie, na God save United say Newcastle no double their lead, else the story for dey different. The Reds team bin hold ball better today as the number of astray passes no plenty like that.

MORE: Manchester United boss Jose Mourinho don reveal the thing wey cause Eric Bailly’s absence

Another thing wey we observe na say our attackers (Romelu Lukaku, Marcus Rashford, Juan Mata and Anthony Martial) bin shine against Newcastle. E be like say na Paul Pogba’s presence ginger dem. E sweet me say Lukaku don end hin barren run and we dey hope make e score many more goals. Even though Rashford bin no score, e still ginger as na him wey do assist for the goal wey Pogba score for second half. Lukaku self dey involved in the goal, as na him wey cross give Rashford ball. As for Mata, na him wey do assist for the goal wey Lukaku score and e impress me for the game.

Another thing wey we observe na say Victor Lindelof bin struggle for first half, but e con improve for second half. Na him wey cause the goal wey Newcastle score. Instead of make e defend ball, e go dey twerk, na how Gale take score. Chris Smalling bin try today, na him wey score United’s second goal with one powerful header. All round, our defence bin try, especially for second half.

MORE: Manchester United wan sign Gareth Bale next summer

The last thing wey we observe na say Zlatan Ibrahimovic still get am for body. Before today, the last time wey the Swedish international play ball, na last 7 months, but e bin show some nice touches wen e enter. E remain small e for score self with one acrobatic kick. The only thing wey worry us small na say Mourinho bin shift Lukaku out wide (right) when Zlatan enter, Hope say no be the plan wey e get for dem be dat??

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s