Mourinho’s press conference: “Zlatan go warm bench, Jones and Bailly still dey injured”

dpljyjzxkaat7ar

Manchester United manager Jose Mourinho don run press conference ahead of the Champions League match wey hin side get against Basel on Wednesday night by 8:45 pm (Nigerian Time).

Reporters bin ask Jose Mourinho about how e see the way St Jakob’s Park pitch take be and this na wetin e respond: “I don look am na and i no sabi jor – na after 20 mins i go judge. Right now, e no bad.”

The Boss don confirm say Zlatan Ibrahimovic go start for bench as the striker wey just dey come back from woundjure never dey 100% fit to start.

“Ibrahimovic go warm bench vs Basel. The way hin body take be now, if e start, e fit break,” na wetin Jose yarn. “But if we need am, e dey ready to ginger us and e fit play with Lukaku.”

Mourinho don also respond on the thing wey make am leave Mkhitaryan out of hin squad vs Newcastle. And e also yarn about the reason why e start Rashford and Martial for that match.

MORE: Manchester United wan extend Ashley Young’s contract

“The thing wey make us no use Mkhitaryan against Newcastle? Omo na because plenty people bin dey now. Space bin no dey. First una dey ask me why Anthony Martial and Marcus Rashford no dey play together. Now wey i don play dem, una dey ask me about Mkhitaryan. Kilode?”

Eric Bailly and Phil Jones still dey injured, so Chris Smalling go start again v Basel.

MORE: Manchester United dey train ahead of Basel yansh tearing, Zlatan dey return to Champions League

“Na every time wey Smalling dey play and e dey play wella. When tomorrow come, e go play again. But Jones and Bailly no dey available,” Jose still dey yarn. “Eric Bailly fit play against Brighton. I no dey sure now.”

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s