Jose Mourinho don hail Marcos Rojo after hin fine display during Manchester United’s defeat against Basel in the Champions League.
The Argentinian international bin play hin first match since that woundjure (Knee ligament damage) wey e collect in the Europa League v Anderlecht on 20th April.
The Boss don praise the defender for hin fine display at St. Jakob-Park.
“Rojo try wella. I dey reason say na only few weeks ago e begin tap ball. We bin no rush am, because e bin dey train with the team since,” na wetin Mourinho yarn.
“E bin play 45 minutes with out U23s. We bin know say Rojo fit play tonight but e shock us say e last the whole 90 minutes.”
The United boss bin dey impress with Rojo’s play as the defender bin make many important stops for the game. Else, e for finish pass 1-0.
“E try and i dey happy for am. E balance well.”