Andreas Pereira don reveal the reason why e wakka commot from Manchester United to Valencia on loan.
“I bin know say i no go dey start if i remain for United this season,” na wetin Pereira yarn for ESPN.
“I bin reason say if i come here ehn, i go dey play more. I go dey improve as i dey play more. I go transform self. E better make person dey play, dey improve than make e dey roast for bench. That thing dey frustrate person.”
“For here, i dey play and i dey improve. People dey see am na, United dey see am and e go epp me for Valencia and Manchester United. The moment wey i go land for Manchester United ehn, i go ball fire. I dey ontop hot seat for here but e dey epp me. I dey play against big teams and we dey second for table.”