Jose Mourinho don provide update ontop Eric Bailly and Phil Jones ahead of the Premier League clash wey Manchester United get against Brighton & Hove Albion on Saturday.
“Dem dey injured but we go survive because Smalling, Rojo and Lindelof dey na,” na wetin Mourinho yarn.
Mourinho don confam say Zlatan Ibrahimovic fit play against Brighton. So e mean say the Swedish international go dey play hin third straight match since hin injury (Although, no be like say e dey play for 90 mins).
“I like am when Zlatan dey pitch, than when e no dey pitch,” na wetin Mourinho still dey yarn. “When e dey pitch, e fit give us idea. E strong, hin brain dey work, e dey move, e dey ball.”
“But we no go rush am. Na 15/20 minutes wey e go dey play. We hope say we fit play am again tomorrow.”
Paul Pogba go start against Brighton.
“Pogba dey fit but we no wan overstretch am,” na wetin Baba Special yarn. “E no fit play pass 65 to 70 minutes, so we go dey protect am.”
Players like David De Gea, Antonio Valencia, Ashley Young, Juan Mata and Henrikh Mkhitaryan wey no play against Basel, fit return to the squad.
Jose Mourinho ontop Marcos Rojo: “E ball fire against FC Basel. We go observe am today. The wound don go but una sabi say e play 90 mins last match, hin body fit dey pain am. We go see sha.”