Five Things wey we observe as Manchester United knack Brighton 1-0

dpf9fc0wkaelom5

Today match tough gan but the koko na say the Red Devils collect three points as dem knack Brighton & Hove Albion 1-0. The person wey tear net na Ashley Young. We at MUIP dey give Young the goal even if the Premier League FA don robb am as dem don award the goal to Lewis Dunk (Own Goal).

Now Jose Mourinho’s men don reduce the gap on Man City to five points. Another good news na say Tottenham bin draw 1-1 against West Brom so e mean say we don gap dem by two points. We wan talk about the five things wey we observe for the match:

The first thing wey we observe na say Brighton & Hove Albion bin impress me. Before the match start, i think say we go walkover dem as dem be newly promoted team but the truth na say dem wan change am for us. I bin dey expect 4-1 but right now, i dey thank God for the 1-0 self. Dem try for defence and dem also try for counter-attack. The wing wey dem bin exploit pass na Ashley Young’s wing but dem no fit find the back of the net.

dpfubrnueaat2sl

The second thing wey we observe na say Victor Lindelof bin dey outstanding today. For all the matches wey e don play for the Reds this season, na hin best performance. Nobody beat am today. Also e bin make one mad sliding tackle when Brighton bin wan do counter attack against us. Hin partnership with Smalling make sense today but e outshine Smalling by far.

MORE: Manchester United star Michael Carrick bin get heart problem but e don well now

Another thing wey we observe na say Manchester United bin no dey at their best today and na only God save dem. Our attackers Rashford and Martial bin struggle to influence the game for first half. Rashford bin dey try small with hin deadly crosses but Martial no too influence the game as their defenders give am close marking. Romelu Lukaku bin play rubbish for first half as bin dey play deep while Juan Mata (wey no contribute anything at all today) bin dey inside box, dey waste space.

Another thing wey we observe na say Paul Pogba bin control the pace of the game against Brighton. One thing wey we like about Pogba, na the way e dey distribute ball. Also if e dey on the ball, to mark am collect ball dey almost impossible. E dey use ball well. Most of hin passes dey make brain. E remain small e for score for first half as the Rebound from Lukaku’s first attempt go meet am but hin shot knack their keeper commot.

MORE: Mesut Ozil don reject Fenerbahce, e wan join Manchester United

The last thing wey we observe na say Ashley Young bin try wella for Manchester United today. Even though e bin struggle defensively, hin attack game dey on fleek today as na him wey play pass for the Reds (attack-wise). Apart from the goal wey e score self, na him wey worry Brighton defenders pass.

 

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s