Jose Mourinho don react ontop the narrow 1-0 win wey hin side see against Brighton & Hove Albion for Old Trafford, after Ashley Young’s hot shot knack person fly enter net.
The Reds boss bin praise Brighton as e don admit say na dem be the hardest team wey we don face this season.
“Na the hardest match wey we don play this season,” na wetin Mourinho yarn. “I gats hail Brighton, dem sabi play good football.I wan hail my boys. My boys no play well, but dem play their lives out. I no fit yab any of dem.”
“I wan dey talk truth. The result wey Brighton get, dem no deserve am. Dem try, their defence na brick wall and the times wey dem hold ball, na havoc dem cause us. Brighton sabi ball ahan.”
The United boss bin also admit say hin side no play attractive football today and e know say na their high spirit epp dem collect three points.
“I dey reason say na our ginger and moral epp us today, we no play well,” Mourinho still dey yarn. “Sometimes you fit play many attackers but e no mean say you go dey create chances. We bin get many attackers ontop pitch but we bin lose control for midfield.”